सातै प्रदेशका मुख्यमन्त्रीद्वारा नौबुँदे साझा प्रतिबद्धता

मंगलबार विराटनगरमा आयोजित अन्तरप्रदेश मुख्यमन्त्री सम्मेलनमा बागमती प्रदेशका मुख्यमन्त्री किरण थापा मगरले सिंहदरबारको अधिकार प्रदेशको राजधानीमा सार्नु मात्रै संघीयता नभएको बताए। उनले नागरिकको पहुँच बढाउनु, स्थानीय आवश्यकता अनुसार नीति निर्माण गर्नु र शासन प्रणालीलाई उत्तरदायी बनाउनु नै वास्तविक संघीयता भएको बताए। सोही सम्मेलनलाई सम्बोधन गर्दै कर्णाली प्रदेशका मुख्यमन्त्री मंगलबहादुर शाहीले देशमा विभिन्न भ्रम सिर्जना भइरहेको हुँदा संघीयता सुदृढ गर्न अझ धेरै मेहनत आवश्यक रहेको बताए। संघीयता कार्यान्वयन र अभ्यासको झन्डै १० वर्ष पुगेको सन्दर्भमा यो सम्मेलन भएको हो।

कोशी प्रदेशको राजधानी विराटनगरमा सम्पन्न अन्तरप्रदेश मुख्यमन्त्री सम्मेलनले प्रादेशिक शासनलाई सक्षम, चुस्त, मितव्ययी र उत्तरदायी बनाउने नौबुँदे साझा प्रतिबद्धता जनाएको छ। मंगलबार सुरु भएको सम्मेलनमा सातै प्रदेशका मुख्यमन्त्रीले संविधानको पूर्ण कार्यान्वयन, प्रदेश र स्थानीय तहबीच समन्वय तथा संघबाट अधिकार, कानुन र वित्तीय स्रोत हस्तान्तरणको माग गरे। मधेश प्रदेशका मुख्यमन्त्री कृष्णप्रसाद यादवले संघीयता बलियो बनाउन प्रदेशलाई अधिकार, वित्तीय स्रोत र जनशक्तिसहित सक्षम बनाउनुपर्ने बताए भने बागमती प्रदेशका मुख्यमन्त्री किरण थापा मगरले सिंहदरबारको अधिकार प्रदेशको राजधानीमा सार्नु मात्रै संघीयता नहुने बताए। कर्णाली प्रदेशका मुख्यमन्त्री मंगलबहादुर शाहीले संघीयता सुदृढ गर्न अझ धेरै मेहनत आवश्यक रहेको बताए।