मेसिन मर्मत नहुँदा सुशील कोइराला क्यान्सर अस्पतालका बिरामी भारत जान बाध्य

बाँकेको खजुरास्थित सुशील कोइराला प्रखर क्यान्सर अस्पतालमा लिन्याक (लिनियर एक्सेलेरेटर) मेसिन बिग्रिएको तीन महिना पुग्दा पनि मर्मत नहुँदा रेडियोथेरापी सेवा ठप्प भएको छ। सेवा अवरुद्ध भएपछि लुम्बिनी, कर्णाली र सुदूरपश्चिम प्रदेशका क्यान्सर बिरामीहरू उपचारका लागि भारतका विभिन्न अस्पताल धाउन बाध्य भएका छन्। मेसिन मर्मतमा ढिलाइ हुँदा पश्चिम नेपालका विपन्न बिरामीहरूले ठूलो सास्ती खेप्नुपरेको छ। अस्पतालमा दैनिक आउने बिरामीहरू सेवा नपाएर रित्तो हात फर्किरहेका छन्।