भोटेकोशी बाढीपीडितको स्वास्थ्य उपचारका लागि युएसभी फार्मास्युटिकल्सद्वारा डेढ करोड सहयोग

भोटेकोशी बाढीबाट प्रभावित ३०० परिवारलाई तत्काल राहत र स्वास्थ्य उपचार उपलब्ध गराउन युएसभी फार्मास्युटिकल्सले १ करोड ५० लाख रुपैयाँ सहयोग गरेको छ। काठमाडौँमा आयोजित एक कार्यक्रममा सो रकम नेपाल चिकित्सक सङ्घको राहत अभियानलाई हस्तान्तरण गरिएको हो। सङ्घका अध्यक्ष डा. बद्री रिजालले उक्त सहयोग बुझ्दै बाढीपीडितको स्वास्थ्य सेवामा खर्च गरिने जानकारी दिनुभयो।

भोटेकोशी बाढीबाट प्रभावितहरूको स्वास्थ्य उपचारका लागि युएसभी फार्मास्युटिकल्सले १ करोड ५० लाख रुपैयाँ सहयोग गर्ने भएको छ। बिहीबार काठमाडौँमा आयोजित एक कार्यक्रममा नेपाल चिकित्सक सङ्घका अध्यक्ष डा. बद्री रिजाल र युएसभी फार्मास्युटिकल्सका प्रमुख व्यापार अधिकृत महिदवाज सिसोडियाबीच यससम्बन्धी सम्झौता भएको हो। सम्झौताअनुसार सङ्घले उपलब्ध गराएको विवरणका आधारमा कम्पनीले बाढी प्रभावित परिवारका लागि आवश्यक स्वास्थ्य सामग्रीहरू उपलब्ध गराउनेछ।