सबैको अपनत्व हुनेगरी शिक्षा ऐन चाँडै ल्याउँछौँ : शिक्षामन्त्री सस्मित पोखरेल

शिक्षा तथा खेलकुदमन्त्री सस्मित पोखरेलले सबै सरोकारवालाको अपनत्व हुनेगरी शिक्षा ऐन चाँडै ल्याउने प्रतिबद्धता जनाउनुभएको छ। शिक्षा तथा खेलकुद मन्त्रालयमा निजी विद्यालय सञ्चालकका प्रतिनिधिहरूसँग भएको छलफलमा उहाँले ऐन निर्माणका क्रममा प्राप्त सुझावहरूलाई समेटेर यसलाई अन्तिम रूप दिइने बताउनुभयो। मन्त्री पोखरेलले शिक्षा क्षेत्रका सबै पक्षका चासोलाई सम्बोधन गर्दै परिपक्व ढङ्गले ऐन ल्याउने लक्ष्य रहेको उल्लेख गर्नुभयो।