संसद् बैठक आह्वानका लागि सभामुख डोलप्रसाद अर्यालले बोलाए कार्यव्यवस्था समितिको बैठक

नेपाली कांग्रेसले सोमबार बिहान ११ बजेका लागि संसदीय दलको बैठक बोलाएको छ। काठमाडौंको सिंहदरबारस्थित संसदीय दलको कार्यालयमा बस्ने उक्त बैठकमा भोटेकोशी बाढीपछिको विपद् व्यवस्थापन र पार्टीको आगामी कार्ययोजनाबारे छलफल हुनेछ। दलका नेता भीष्मराज आङ्देम्बेका अनुसार बैठकमा समसामयिक राजनीतिक विषयमा पनि कुराकानी हुनेछ।

रसुवा र भोटेकोशीमा आएको बाढीपछिको राहत तथा उद्धारका विषयमा छलफल गर्न सोमबार सिंहदरबारमा नेपाली कांग्रेस संसदीय दलको बैठक बसेको छ। प्रमुख सचेतक बासना थापाका अनुसार विपद्का बेला भइरहेका सरकारी तथा गैरसरकारी कामकारबाहीबारे जनतालाई जानकारी दिन सदन तत्काल सञ्चालन गर्नुपर्ने निष्कर्ष निकाल्दै सभामुखसँग छलफल गर्ने निर्णय भएको छ। बैठकमा विपद् व्यवस्थापनमा पार्टीको भूमिका र आगामी कार्ययोजनाबारे समेत छलफल भएको थियो।

सभामुख डोलप्रसाद अर्यालले प्रतिनिधि सभाको बैठक पुनः सञ्चालन गर्ने विषयमा निर्णय लिन मंगलबार कार्यव्यवस्था परामर्श समितिको बैठक बोलाएका छन्। सिंहदरबारमा सोमबार नेपाली कांग्रेस संसदीय दलका नेता भीष्मराज आङ्देम्बेले बुझाएको ध्यानाकर्षण पत्र ग्रहण गर्दै सभामुखले सो जानकारी दिएका हुन्। बाढी र विपद्का समयमा भइरहेका सरकारी कामकारबाहीबारे जनतालाई जानकारी दिन संसद् तत्काल सञ्चालन हुनुपर्ने माग कांग्रेसले राखेको छ।