भोटेकोशी-त्रिशूली विपत्तिबारे नेपालले बैंककमा उच्चस्तरीय क्षेत्रीय बहस आयोजना गर्‍यो

नेपालले भोटेकोशी-त्रिशूली विपत्तिबारे थाइल्याण्डको राजधानी बैंककमा उच्चस्तरीय क्षेत्रीय बहस आयोजना गरेको छ। संयुक्त राष्ट्रसंघीय एसिया तथा प्रशान्त क्षेत्रका लागि आर्थिक तथा सामाजिक आयोग (यूएन ईएससीएपी) को पाँचौँ मन्त्रीस्तरीय सम्मेलनको अवसरमा आयोजित उक्त बहसमा एसिया-प्रशान्त क्षेत्रका मन्त्री, कूटनीतिज्ञ, वैज्ञानिक तथा विपद् व्यवस्थापन विज्ञहरू सहभागी भएका थिए। नेपालले विश्वव्यापी तापमान वृद्धि र जलवायु परिवर्तनका कारण हिमाली क्षेत्रमा निम्तिएको संकट तथा त्यसले निम्त्याउने सीमापार जोखिमबारे ध्यानाकर्षण गराएको छ। जानकारहरूले यस विपत्तिलाई 'शृंखलाबद्ध जोखिम' का रूपमा विकसित भइरहेको बताएका छन्।