नेपाल र भारतका सीमा सुरक्षा बलबीच काठमाडौंमा १०औँ द्विपक्षीय समन्वय बैठक सुरु

सशस्त्र प्रहरी बल, नेपाल र भारतको सशस्त्र सीमा बल (एसएसबी) बीचको १०औँ द्विपक्षीय समन्वय बैठक बुधबारदेखि काठमाडौंमा सुरु भएको छ। सीमा सुरक्षा तथा व्यवस्थापन, सीमा अपराध नियन्त्रण र दुई देशका सीमावर्ती सुरक्षा निकायबीच आपसी समन्वय तथा सहकार्य अभिवृद्धि गर्ने उद्देश्यले बसेको बैठक कात्तिक १३ गतेसम्म चल्नेछ। बैठकमा दुवै देशका सीमा सुरक्षा निकायलगायतका प्रतिनिधिहरूको सहभागिता रहेको छ। सीमा व्यवस्थापन संयन्त्रले निर्दिष्ट गरेको मार्गदर्शनका आधारमा दशगजाको विषयमा पनि छलफल हुने जनाइएको छ।

सशस्त्र प्रहरी बल, नेपाल र भारतको सशस्त्र सीमा बल (एसएसबी) बीचको १०औँ द्विपक्षीय समन्वय बैठक बुधबारदेखि काठमाडौंमा सुरु भएको छ। नेपाली प्रतिनिधिमण्डलको नेतृत्व सशस्त्र प्रहरी महानिरीक्षक नारायणदत्त पौडेलले गरेका छन्। बैठकको उद्देश्य सीमा सुरक्षा तथा व्यवस्थापन, सीमा अपराध नियन्त्रण र दुई देशका सीमावर्ती सुरक्षा निकायबीच आपसी समन्वय तथा सहकार्य अभिवृद्धि गर्नु रहेको छ। बैठक कात्तिक १३ गतेसम्म चल्नेछ।