खोटाङमा खुकुरी प्रहारबाट चार जना घाइते, एक पक्राउ

खोटाङको हलेसी तुवाचुङ नगरपालिका–३ आहालेमा एक व्यक्तिले आफ्नै ससुरालीमा धारिलो हतियार प्रहार गर्दा श्रीमतीसहित चारजना घाइते भएका छन्। स्थानीय ४३ वर्षीय नइन्द्रकुमार राईले धारिलो हतियार प्रहार गरेको र घाइतेमध्ये तीनजनाको अवस्था गम्भीर रहेको बताइएको छ। घटनामा एकजना पक्राउ परेका छन्।

खोटाङको हलेसी तुवाचुङ नगरपालिका–३ च्यास्मीटारमा राति खुकुरी प्रहार हुँदा एउटै घरका चार जना गम्भीर घाइते भएका छन्। नेपाली सेनाको पोखरा पृतना ब्यारेकमा कार्यरत जारबुङका ४३ वर्षीय नइन्द्रकुमार राईले ससुराली आहाले पुगी खुकुरी प्रहार गर्दा उनकी ४० वर्षीया श्रीमती अञ्जना राई, ६२ वर्षीया सासू सेवन्ता राई, २५ वर्षीया साली टेमिना राई र सालो नरेन्द्र राई घाइते भएका हुन्। प्रहरीले राईलाई कात्तिक ९ गते बिहान पक्राउ गरेको छ। घाइतेमध्ये तीन जनाको अवस्था गम्भीर रहेको बताइएको छ।