धरानमा दसैँको खसीबोका कारोबार २६ करोड नाघ्यो

यस वर्षको बडादसैँमा सुनसरीको धरान उपमहानगरपालिका–१३ स्थित कृषिउपज बजारबाट २६ करोड २५ लाख रुपैयाँ बराबरको खसीबोका कारोबार भएको छ। कृषिउपज बजारका व्यवस्थापक लक्ष्मण भट्टराईका अनुसार गत वर्ष २३ करोड रुपैयाँको कारोबार हुँदा यस वर्ष करिब १५ प्रतिशतले वृद्धि भएको हो। कोशी प्रदेशका पहाडी जिल्लाबाट किसान तथा व्यापारीले बिक्रीका लागि ल्याएका खसीबोकाको माग बढेपछि कारोबार बढेको हो।