टुँडिखेलमा नेपाली सेनाद्वारा फूलपाती बढाइँ समारोह सम्पन्न

बडादसैँको सातौँ दिन शनिबार काठमाडौंस्थित सैनिक मञ्च टुँडिखेलमा नेपाली सेनाले फूलपाती बढाइँ समारोह आयोजना गरेको छ। समारोहमा राष्ट्रपति रामचन्द्र पौडेललाई सलामी दिइएको थियो। नेपाली सेनाले दसैँको परम्परागत सांस्कृतिक तथा धार्मिक महत्त्व झल्किने विविध गतिविधि प्रस्तुत गरेको थियो।

बडादशैँ २०८३ को सातौँ दिन फूलपातीका अवसरमा शनिबार अपरान्ह काठमाडौंस्थित सैनिक मञ्च टुँडिखेलमा नेपाली सेनाले फूलपाती बढाइँ समारोह गरेको छ। ‘फूलपाती बढाइँ समारोह–२०८३’ नाम दिइएको उक्त समारोहमा राष्ट्रपति रामचन्द्र पौडेल प्रमुख आतिथ्यमा उपस्थित भई सलामी ग्रहण गरेका थिए। समारोहमा सेनाले राइफल र तोपबाट लहरे एवं एकठ्ठा बढाइँ प्रस्तुत गरेको थियो भने हेलिकप्टरबाट पुष्पवृष्टि तथा सैनिक ब्याण्डबाट राष्ट्रिय धुन प्रस्तुत गरिएको थियो।