परराष्ट्रमन्त्री खनालले ब्रुनाई, पाकिस्तान र दक्षिण कोरियाका नयाँ राजदूतसँग भेटवार्ता गरे

परराष्ट्रमन्त्री शिशिर खनालसँग नेपालका लागि पाकिस्तानका नवनियुक्त राजदूत मोहम्मद आमिर खानले काठमाडौंको सिंहदरबारस्थित परराष्ट्र मन्त्रालयमा बिहीबार शिष्टाचार भेटवार्ता गरेका छन्। भेटमा मन्त्री खनालले राजदूत खानलाई नियुक्तिका लागि बधाई दिँदै सफल र उपलब्धिमूलक कार्यकालको शुभकामना व्यक्त गरे। दुई देशबीचको मैत्रीपूर्ण सम्बन्ध थप सुदृढ बनाउने तथा आपसी हित र सहयोगका क्षेत्र विस्तार गर्ने विषयमा पनि कुराकानी भएको छ। यसैगरी परराष्ट्रमन्त्री खनाल र नेपालका लागि दक्षिण कोरियाका नवनियुक्त राजदूत पार्क जेख्यङबीच पनि शिष्टाचार भेटवार्ता भएको छ।

परराष्ट्रमन्त्री शिशिर खनालले काठमाडौंस्थित परराष्ट्र मन्त्रालयमा नेपालका लागि नवनियुक्त तीन गैरआवासीय राजदूतसँग छुट्टाछुट्टै शिष्टाचार भेटवार्ता गरेका छन्। असोज २८ गते गणतन्त्र कोरियाका राजदूत पार्क जेख्यङ, असोज २९ गते पाकिस्तानका राजदूत मोहम्मद आमिर खान र असोज ३० गते ब्रुनाई दरुसलामकी राजदूत सिति अर्निफरिजा बिन्ती हाजी मोहम्मद जैनीसँग भेटवार्ता भएको हो। प्रत्येक भेटमा मन्त्री खनालले राजदूतहरूलाई नियुक्तिका लागि बधाई दिँदै सफल कार्यकालको शुभकामना व्यक्त गरे। भेटवार्तामा सम्बन्धित देशसँगको मैत्रीपूर्ण द्विपक्षीय सम्बन्ध थप सुदृढ बनाउने तथा आपसी सहयोगका क्षेत्र विस्तार गर्ने विषयमा विचार आदानप्रदान भएको छ।