विदुर नगरपालिकाले बाढी प्रभावितलाई कोठा भाडावापत १० हजार रुपैयाँ दिने

नुवाकोटको विदुर नगरपालिकाले भोटेकोशी र त्रिशूली नदीमा आएको बाढीबाट विस्थापित भएका परिवारलाई तत्काल घरभाडा बापत प्रतिपरिवार १० हजार रुपैयाँ उपलब्ध गराउने निर्णय गरेको छ। नगरप्रमुख राजन श्रेष्ठको अध्यक्षतामा बसेको कार्यपालिकाको १३४औँ बैठकले बस्न योग्य घर नभएका स्थानीयलाई राहत सामग्री र पुनःस्थापनामा सहयोग गर्ने निर्णय गरेको हो। नगरपालिकाले बाढीका कारण प्रभावित भएका विद्यालय सञ्चालनका लागि पनि आवश्यक समन्वय गर्ने जनाएको छ।

नुवाकोटको विदुर नगरपालिकाले भोटेकोशी र त्रिशूली नदीमा आएको बाढीबाट विस्थापित भएका परिवारलाई तत्काल कोठा भाडावापत प्रतिपरिवार १० हजार रुपैयाँ उपलब्ध गराउने निर्णय गरेको छ। नगरप्रमुख राजन श्रेष्ठको अध्यक्षतामा आइतबार बसेको नगर कार्यपालिकाको १३४औँ बैठकले घर बस्न योग्य नभएका स्थानीयलाई भाडामा बस्न आग्रह गर्दै सो रकम दिने निर्णय गरेको हो। नगरपालिकाले बाढी प्रभावितहरूको राहत, पुनःस्थापना र विद्यालय सञ्चालनका लागि समेत विभिन्न निर्णयहरू गरेको छ।