गृहमन्त्री सुधन गुरुङ अस्पताल भर्ना भएको समाचारको सचिवालयद्वारा खण्डन

गृहमन्त्री सुधन गुरुङ अत्यधिक ज्वरोका कारण अस्पताल भर्ना भएको भनी सार्वजनिक भएका समाचारलाई उनको सचिवालयले भ्रामक भन्दै खण्डन गरेको छ। सचिवालयका अनुसार गृहमन्त्री गुरुङ आफू बिरामी भएर नभई भोटेकोशी क्षेत्रको बाढीबाट उद्धार गरिएका बिरामीहरूको स्वास्थ्य अवस्था बुझ्न छाउनीस्थित सैनिक अस्पताल पुगेका हुन्। केही सञ्चारमाध्यमले उनी उपचारका लागि भर्ना भएको दाबी गरे तापनि सचिवालयले उनी बाढी प्रभावितको अवस्था अनुगमन गर्न त्यहाँ गएको स्पष्ट पारेको छ।