लुम्बिनी प्रदेशसभाको आठौँ अधिवेशन अन्त्य

मुख्यमन्त्री चेतनारायण आचार्यको अध्यक्षतामा देउखुरीमा बसेको लुम्बिनी प्रदेश मन्त्रिपरिषद्को बैठकले प्रदेश सभाको चालू आठौँ अधिवेशन अन्त्य गर्न प्रदेश प्रमुखसमक्ष सिफारिस गर्ने निर्णय गरेको छ। मंगलबार साँझ बसेको उक्त बैठकले भदौ ११ गते बिहीबार राति १२ बजेदेखि अधिवेशन अन्त्य गर्न सिफारिस गर्ने निर्णय गरेको हो। यसका साथै बैठकले प्रदेशको स्थायी सङ्गठन तथा व्यवस्थापन सर्वेक्षणको अवधि थप गर्ने लगायतका अन्य महत्वपूर्ण निर्णयहरू समेत गरेको छ।

लुम्बिनी प्रदेश प्रमुख कृष्णबहादुर घर्तीमगरले बिहीबार राति १२ बजेदेखि लागू हुने गरी प्रदेशसभाको आठौँ अधिवेशन अन्त्य गर्नुभएको छ। मुख्यमन्त्री चेतनारायण आचार्यको अध्यक्षतामा देउखुरीमा बसेको मन्त्रिपरिषद् बैठकको सिफारिसका आधारमा यो निर्णय गरिएको हो। प्रदेशसभा सचिव दुर्लभकुमार पुनका अनुसार नेपालको संविधानको धारा १८३ को उपधारा (२) बमोजिम अधिवेशन अन्त्य गरिएको हो। यो अधिवेशन गत वैशाख १७ गतेदेखि सुरु भएको थियो।

लुम्बिनी प्रदेश प्रमुख कृष्णबहादुर घर्तीमगरले बिहीबार राति १२ बजेदेखि लागू हुने गरी प्रदेशसभाको आठौँ अधिवेशन अन्त्य गर्नुभएको छ। मुख्यमन्त्री चेतनारायण आचार्यको अध्यक्षतामा देउखुरीमा बसेको मन्त्रिपरिषद् बैठकको सिफारिसका आधारमा यो निर्णय गरिएको हो। प्रदेशसभा सचिव दुर्लभकुमार पुनका अनुसार नेपालको संविधानको धारा १८३ को उपधारा (२) बमोजिम अधिवेशन अन्त्य गरिएको हो। यो अधिवेशन गत वैशाख १७ गतेदेखि सुरु भएको थियो।