कर्णालीको मुख्यमन्त्रीमा मंगलबहादुर शाहीद्वारा दाबी पेस

नेकपा एमाले र नेकपाबीच शनिबार भएको प्रदेश सरकारको भागबण्डाअनुसार कर्णाली प्रदेशको मुख्यमन्त्रीमा मंगलबहादुर शाही नियुक्त हुने निश्चित भएको छ। मुगुबाट निर्वाचित प्रदेशसभा सदस्य एवं नेकपा संसदीय दलका नेता शाहीलाई मुख्यमन्त्री बनाउने सहमति जुटेको हो। यस प्रक्रियालाई अगाडि बढाउन आइतबार सुर्खेतमा बैठक बोलाइएको छ।

नेपाली कम्युनिस्ट पार्टीका संसदीय दलका नेता मंगलबहादुर शाहीले कर्णाली प्रदेशको मुख्यमन्त्रीका लागि मंगलबार दाबी पेस गरेका छन्। नेकपा एमालेको समर्थनमा उनले प्रदेश प्रमुखको कार्यालयमा पुगेर आफ्नो दाबी पेस गरेका हुन्। नेकपा एमाले र नेकपाबीच शनिबार भएको प्रदेश सरकार भागबण्डाको सहमतिअनुसार शाही मुख्यमन्त्री बन्न लागेका हुन्।