बालुवाटारमा प्रदर्शन गर्न खोज्दा निहारिका राजपुत र बिनु यादव पक्राउ

प्रधानमन्त्री निवास बालुवाटारतर्फ प्रदर्शनका लागि जाँदै गरेका अभियन्ताहरू बिनु यादव र निहारिका राजपुतलाई बिहीबार प्रहरीले नियन्त्रणमा लिएको छ। जिल्ला प्रहरी परिसर काठमाडौँका प्रवक्ता एसपी पवनकुमार भट्टराईका अनुसार निषेधित क्षेत्रमा प्रदर्शन गर्न खोजेपछि उनीहरूलाई राष्ट्र बैंक चोकबाट समातिएको हो। कालो पोसाक लगाएका उनीहरूले आफ्ना मुद्दाहरूमा न्यायको माग गर्दै प्रधानमन्त्री बालेन्द्र शाहलाई कालो झण्डा देखाउने तयारी गरेका थिए।

प्रधानमन्त्री निवास बालुवाटार क्षेत्रमा प्रदर्शन गर्न खोज्दा निहारिका राजपुत र बिनु यादवलाई प्रहरीले नियन्त्रणमा लिएको छ। घरेलु हिंसा र मुद्दाको शीघ्र फछ्र्यौटको माग गर्दै कालो पोसाक लगाएर प्रदर्शन गर्न पुगेका उनीहरूलाई राष्ट्र बैंक चोकबाट पक्राउ गरिएको हो। हाल उनीहरूलाई प्रहरी वृत्त सिंहदरबारको हिरासतमा राखेर सार्वजनिक शान्ति विरुद्धको मुद्दामा अनुसन्धान अघि बढाइएको छ। निषेधित क्षेत्रमा प्रदर्शन गर्न खोजेको भन्दै प्रहरीले उनीहरूलाई नियन्त्रणमा लिएको जानकारी दिएको छ।