सल्यानका दुई सामुदायिक वनबाट ६ नाल अवैध भरुवा बन्दुक बरामद

सल्यानको बनगाड कुपिन्डे नगरपालिका-१२ स्थित भदाले सामुदायिक वनको एक ओढारबाट प्रहरीले चार नाल भरुवा बन्दुक बरामद गरेको छ। शनिबार साँझ साढे पाँच बजेको समयमा लुकाएर राखिएको अवस्थामा ती अवैध हतियारहरू फेला परेका हुन्। उक्त बन्दुकहरू कसले र किन राखेको हो भन्नेबारे अहिलेसम्म खुल्न सकेको छैन। प्रहरीले यस घटनाबारे थप अनुसन्धान गरिरहेको जनाएको छ।

जिल्ला प्रहरी कार्यालय सल्यानले आइतबार दुई छुट्टाछुट्टै सामुदायिक वनबाट ६ नाल अवैध भरुवा बन्दुक बरामद गरेको छ। प्रहरी निरीक्षक देवराज भट्टराईका अनुसार वनगाड कुपिण्डे नगरपालिका–१२ स्थित भदाले सामुदायिक वनको ओढारमा लुकाइराखेको अवस्थामा चार नाल बन्दुक फेला परेको थियो। त्यस्तै, छत्रेश्वरी गाउँपालिका–१ स्थित जुगेखोला सामुदायिक वनबाट थप दुई नाल बन्दुक बरामद गरिएको छ। बेवारिसे अवस्थामा भेटिएका यी हतियार कसले राखेको हो भन्नेबारे प्रहरीले अनुसन्धान गरिरहेको छ।