अब जुनसुकै जिल्ला प्रशासन कार्यालयबाट नागरिकताको प्रतिलिपि पाइने

काठमाडौं जिल्ला प्रशासन कार्यालयले काठमाडौं उपत्यकामा बसोबास गर्ने अन्य जिल्लाका नेपाली नागरिकले पनि उपत्यकाबाटै नागरिकताको प्रतिलिपि लिन सक्ने व्यवस्था मिलाएको छ। नेपाल सरकारको १०० बुँदे शासकीय सुधार कार्यसूचीको बुँदा नम्बर २१ तथा नेपाल नागरिकता (पाँचौँ संशोधन) नियमावली, २०८३ अनुसार यस्तो व्यवस्था गरिएको हो। नागरिकताको प्रतिलिपि लिनुपर्ने नागरिकलाई सेवा सहज बनाउने उद्देश्यले कार्यालयले यो व्यवस्था लागू गरेको जनाएको छ।

अब नेपाली नागरिकले जुनसुकै जिल्ला प्रशासन कार्यालयबाट नागरिकताको प्रतिलिपि लिन सक्ने भएका छन्। जिल्ला प्रशासन कार्यालय काठमाडौंले सोमबार सूचना जारी गर्दै काठमाडौं उपत्यकाका तीन जिल्लाबाट पनि अन्य जिल्लाका नागरिकले नागरिकताको प्रतिलिपि लिन सक्ने व्यवस्था गरेको जनाएको छ। नेपाल नागरिकता (पाँचौँ संशोधन) नियमावली, २०८३ र सरकारको १०० बुँदे शासकीय सुधार कार्यसूचीअनुसार यस्तो व्यवस्था गरिएको हो। आगलागी वा पानीले भिजेर नागरिकता नष्ट भएमा, च्यातिएर काम नलाग्ने भएमा, हराएमा वा नयाँ ढाँचामा प्रतिलिपि चाहिएमा यो सेवा उपलब्ध हुनेछ।