एन्फाका बहुमत सदस्यद्वारा मुख्यालयको ताला खोल्दै केन्द्रीय समिति बैठक आह्वान

अखिल नेपाल फुटबल संघ (एन्फा) का बहुमत सदस्यहरूले काठमाडौंको सातदोबाटोस्थित एन्फा मुख्यालयको लामो समयदेखि बन्द रहेको ताला खोलेका छन् । वरिष्ठ उपाध्यक्ष वीरबहादुर खड्काको नेतृत्वमा कार्यसमितिका सदस्यहरूले ठप्प रहेको फुटबल क्षेत्रलाई पुनः सञ्चालनमा ल्याउन ताला खोलेको जनाएका छन् । उनीहरूले आगामी कात्तिक १३ गते एन्फा कार्यसमितिको बैठक बस्ने समेत जनाएका छन् । एन्फाको विधानको धारा ३१(२) बमोजिम कार्यसमितिका एक तिहाइ वा सोभन्दा बढी सदस्यले लिखित माग गरेमा बैठक अनिवार्य रूपमा बोलाउनुपर्ने व्यवस्था छ ।

अखिल नेपाल फुटबल संघ (एन्फा) का वरिष्ठ उपाध्यक्ष वीरबहादुर खड्काको नेतृत्वमा बहुमत सदस्यहरूले ललितपुरको सातदोबाटोस्थित लामो समयदेखि बन्द रहेको एन्फा मुख्यालयको ताला बुधबार खोलेका छन्। उनीहरूले आगामी कात्तिक १३ गते एन्फा कार्यसमितिको बैठक बस्ने जानकारी दिएका छन्। नेपाली फुटबलमा देखिएको गतिरोध अन्त्य गर्ने उद्देश्यले यो पहल भएको हो। वरिष्ठ उपाध्यक्षसहित कार्यसमितिका ११ सदस्यले लिखित माग गर्दा पनि बैठक नडाकिएपछि एन्फाको विधानको धारा ३१(२) बमोजिम बैठक बोलाउने तयारी गरिएको हो।