मेनपावर व्यवसायी रविन गुरुङलाई थुनामुक्त गर्न सर्वोच्चको आदेश

मलेसिया रोजगारीमा सिण्डिकेट गरेको आरोपमा पक्राउ परेका वैदेशिक रोजगार व्यवसायी रविन गुरुङलाई थुनामुक्त गर्न सर्वोच्च अदालतले बुधवार आदेश दिएको छ। न्यायाधीशद्वय हरिप्रसाद फुयाल र टेकप्रसाद ढुङ्गानाको संयुक्त इजलासले वैदेशिक रोजगार ऐन, २०६४ को दफा ५४ अन्तर्गतको कसुरमा अनुसन्धान गर्न क्षेत्राधिकार नभएको ठहर गर्दै सो आदेश गरेको हो। गुरुङ मलेसियाका लागि श्रमिक भर्ना गर्न छनोट भएका २५ म्यानपावर कम्पनीका सञ्चालकमध्ये एक हुन्। यसैबीच वैदेशिक रोजगार विभागले अन्य सञ्चालकलाई ३५ दिनभित्र सम्पर्कमा आउन निर्देशन दिँदै नआए बैंकिङ कारोबार र यात्रा अनुमति रोक्का गर्ने चेतावनी दिएको छ।