तिहारमा काठमाडौँ उपत्यकामा ५२ लाख फूलका माला खपत हुने

आगामी तिहारमा काठमाडौँ उपत्यकामा करिब ५२ लाख फूलका माला खपत हुने फ्लोरिकल्चर एसोसिएसन नेपालले अनुमान गरेको छ। मंगलबार आयोजित पत्रकार सम्मेलनमा एसोसिएसनले सयपत्रीका ४५ लाख, मखमलीका ६ लाख, गोदावरीका २० हजार र मिक्स फूलका ६० हजार माला खपत हुने जनाएको छ। एसोसिएसनका अध्यक्ष राजेशभक्त श्रेष्ठका अनुसार विदेशमा पनि मखमलीका २ लाख माला निर्यात हुँदैछ। फूल उत्पादन र बजार विस्तार हुँदै जाँदा कृषक तथा पुष्प व्यवसायीको आम्दानी बढ्नुका साथै आयात प्रतिस्थापनमा पनि योगदान पुगेको छ।

आगामी तिहारमा काठमाडौँ उपत्यकामा करिब ५२ लाख फूलका माला खपत हुने अनुमान फ्लोरिकल्चर एसोसिएसन नेपालले गरेको छ। एसोसिएसनका अनुसार सयपत्रीका ४५ लाख, मखमलीका ६ लाख, गोदावरीका २० हजार र मिक्स फूलका ६० हजार माला खपत हुनेछन्। एसोसिएसनका अध्यक्ष राजेशभक्त श्रेष्ठले यस पटकको तिहारमा ८९ प्रतिशत स्वदेशी उत्पादनले नै माग धान्ने बताए। यी तथ्याङ्क एसोसिएसनले काठमाडौँमा आयोजित पत्रकार सम्मेलनमा सार्वजनिक गरेको हो।