कर्णालीको हवाई उडान समस्याबारे मन्त्री पौडेलसहित सरोकारवालाबीच छलफल

कर्णाली प्रदेशमा हवाई उडान सेवामा देखिएका समस्या र तिनको समाधानका उपायबारे काठमाडौँमा सरोकारवालाबीच छलफल भएको छ। संस्कृति, पर्यटन तथा नागरिक उड्डयनमन्त्री खडकराज पौडेलको उपस्थितिमा भएको उक्त छलफलमा कर्णाली प्रदेशका उद्योग, पर्यटन, वन तथा वातावरणमन्त्री, मन्त्रालयका सचिव तथा सहसचिव र नेपाल नागरिक उड्डयन प्राधिकरण (क्यान) का महानिर्देशक सहभागी थिए। छलफलमा दुर्गम क्षेत्रमा हवाई सेवा सञ्चालनसम्बन्धी विषयमा पनि कुरा भएको छ।