झापामा धान पाक्ने बेला किसानलाई जङ्गली हात्तीको त्रास, सशस्त्र प्रहरीको निगरानी

झापामा धान पाक्ने समय नजिकिएसँगै किसानलाई जङ्गली हात्तीबाट बाली जोगाउने चिन्ता बढेको छ । हात्तीको जोखिमबाट बच्न आग्रह गर्दै सशस्त्र प्रहरीले हात्ती प्रभावित क्षेत्रमा जनचेतनामूलक अभियानसँगै सुरक्षा निगरानी बढाएको छ । चाडपर्वको समयमा मानिसहरूको चहलपहल बढ्ने र बिहान–बेलुका तथा रातको समयमा जङ्गली हात्तीसँग जम्काभेट हुने जोखिम रहेको बताइएको छ ।