इजरायल ठगी प्रकरणमा कांग्रेस उम्मेदवार विनिता खड्का पक्राउ

इजरायलमा जीटूजी प्रक्रियाबाट केयरगिभरका रूपमा पठाइदिने प्रलोभन देखाई साढे दुई करोड रूपैयाँभन्दा बढी ठगी गरेको आरोपमा नेपाली कांग्रेसको १५औँ महाधिवेशनमा केन्द्रीय सदस्य पदकी उम्मेदवार विनिता खड्कालाई पक्राउ गरिएको छ। केन्द्रीय अनुसन्धान ब्युरो (सीआईबी) प्रमुख एआईजी उमा चतुर्वेदीका अनुसार रामेछापकी खड्कालाई काठमाडौंमा पक्राउ गरिएको हो। यो प्रकरणमा यसअघि चारजनालाई सीआईबीले पक्राउ गरिसकेको छ। खड्का जारी महाधिवेशनमा खुला महिला तर्फकी उम्मेदवार हुन् र मतदान भइसके पनि नतिजा आउन बाँकी छ।

इजरायलमा केयरगिभरको रोजगारी दिलाउने प्रलोभन देखाई साढे दुई करोड रुपैयाँभन्दा बढी ठगी गरेको आरोपमा नेपाली कांग्रेसको १५औँ महाधिवेशनमा केन्द्रीय सदस्य पदकी उम्मेदवार विनिता खड्का पक्राउ परेकी छन्। केन्द्रीय अनुसन्धान ब्युरो (सीआईबी) प्रमुख एआईजी उमा प्रसाद चतुर्वेदीले पक्राउको जानकारी दिएका छन् भने यही प्रकरणमा यसअघि चारजना पक्राउ परिसकेका छन्। सोमबार काठमाडौं जिल्ला अदालतका न्यायाधीश तेजबहादुर खड्काको इजलासले खड्कालाई थुनाबाहिर राखेर अनुसन्धान गर्न आदेश दिएको छ। कांग्रेसले उनको नाम निर्वाचित सूचीबाट हटाएको छ भने सभापति गगन थापाले व्यक्तिलाई लागेको दागको भारी पार्टीले नबोक्ने बताएका छन्।