मलेसिया रोजगारीमा सिन्डिकेटको आशंका: २५ म्यानपावर कम्पनीमाथि सरकारले छानबिन गर्ने

मलेसियाले श्रमिक भर्नाका लागि २५ वटा म्यानपावर कम्पनीलाई मात्र अनुमति दिएपछि उत्पन्न विवादका बीच श्रम, रोजगार तथा सामाजिक सुरक्षा मन्त्रालयले छानबिन सुरु गरेको छ। मन्त्रालयले वैदेशिक रोजगार विभागलाई ती २५ कम्पनीको स्थापनाकालदेखि हालसम्मको कारोबार अनुसन्धान गर्न निर्देशन दिएको छ। मलेसियाको फरेन वर्कर सेन्ट्रल म्यानेजमेन्ट सिस्टममा थप २५० कम्पनीलाई सब-एजेन्टका रूपमा सूचीकृत गरिए पनि सिन्डिकेटको विरोध कायमै रहेको छ।