राहुघाट जलविद्युत् आयोजनाको सुरुङ निर्माणबाट प्रभावितलाई क्षतिपूर्ति वितरणमा ढिलाइ

म्याग्दीको रघुगङ्गा गाउँपालिकास्थित ४० मेगावाट क्षमताको राहुघाट जलविद्युत् आयोजनाको सुरुङ निर्माणका कारण प्रभावित भएका स्थानीयले अझै क्षतिपूर्ति पाउन सकेका छैनन्। आयोजनाको ६ किलोमिटर २७० मिटर लामो सुरुङ खन्ने क्रममा विस्फोटक पदार्थको प्रयोगले दग्नाम र झि क्षेत्रका घरहरू भत्किएका र चर्किएका थिए। नेपाल विद्युत् प्राधिकरणको सहायक कम्पनी रघुगङ्गा हाइड्रोपावरले निर्माण गरिरहेको यस आयोजनाबाट पीडित बनेका स्थानीयले मुआब्जा वितरणमा ढिलाइ भएको भन्दै गुनासो गरेका छन्।