विद्यार्थी, युवा र वैदेशिक रोजगारीबाट फर्किएकाका लागि वृत्ति मार्गनिर्देशन सेवा सुरु गरिँदै

शिक्षा तथा खेलकुद मन्त्रालयले विद्यार्थी, युवा, कामदार र वैदेशिक रोजगारीबाट फर्किएका व्यक्तिहरूलाई लक्षित गरी ‘वृत्ति मार्गनिर्देशन सेवा’ सञ्चालन गर्ने भएको छ। शिक्षा ऐन, २०२८ को दफा १९ (क) ले दिएको अधिकार प्रयोग गरी यो सेवा सुरु गर्न लागिएको हो। यस कार्यक्रमले सम्बन्धित समूहहरूलाई व्यावसायिक मार्गनिर्देशन प्रदान गरी स्वदेशमै उचित वृत्ति विकासका अवसरहरू पहिचान गर्न सहयोग पुऱ्याउने लक्ष्य राखेको छ।