ठमेलमा युवतीलाई दुर्व्यवहार गर्ने शालीन शाह कलङ्कीबाट पक्राउ

काठमाडौँको ठमेलमा एक युवतीलाई यौन दुर्व्यवहार गरेको आरोपमा प्रहरीले एक युवकलाई पक्राउ गरेको छ। सामाजिक सञ्जालमा भिडियो भाइरल भएपछि पीडित निशाले आफ्नो परिचय खुलाउँदै दोषीमाथि कारबाहीको माग गरेकी थिइन्। जिल्ला प्रहरी परिसर भद्रकाली र काठमाडौँ उपत्यका अपराध अनुसन्धान कार्यालयको संयुक्त टोलीले ती युवकलाई नियन्त्रणमा लिएको हो। काठमाडौँ प्रहरी प्रमुख एसएसपी दिलिप घिमिरेले पक्राउको पुष्टि गर्दै थप कानुनी प्रक्रिया अगाडि बढाइएको जानकारी दिनुभयो।

काठमाडौँको ठमेलमा एक युवतीलाई दुर्व्यवहार गरेको आरोपमा प्रहरीले शालीन शाहलाई पक्राउ गरेको छ। भदौ १८ गते सडकमा हिँडिरहेकी युवतीलाई 'ब्याड टच' गरेको भिडियो सामाजिक सञ्जालमा भाइरल भएपछि प्रहरीले उनको खोजी सुरु गरेको थियो। काठमाडौँ उपत्यका अपराध अनुसन्धान कार्यालय र जिल्ला प्रहरी परिसरको टोलीले शाहलाई कलङ्कीबाट नियन्त्रणमा लिएको हो। पक्राउ पर्नबाट बच्न उनले आफ्नो दाह्री र कपाल काटेर हुलिया परिवर्तन गरेको प्रहरीले जनाएको छ।