केपी शर्मा ओलीद्वारा ‘ग्रीन आर्मी’ को गतिविधि र आर्थिक स्रोतमाथि प्रश्न

नेकपा एमालेका अध्यक्ष केपी शर्मा ओलीले ‘ग्रीन आर्मी’ नामक समूहको गतिविधि, तालिम र आर्थिक स्रोतमाथि गम्भीर प्रश्न उठाउनुभएको छ। ललितपुरको च्यासलस्थित पार्टी केन्द्रीय कार्यालयमा रसुवाका बाढीपीडितका लागि राहत सामग्री हस्तान्तरण गर्ने क्रममा उहाँले उक्त समूहको परिचय र उद्देश्य स्पष्ट पार्न सरकारसँग माग गर्नुभयो। वि.सं. २०७२ को भूकम्प र कोभिडको समयमा यो संस्था अस्तित्वमा नरहेको दाबी गर्दै उहाँले यसको अचानक सक्रियतालाई शंकास्पद बताउनुभएको छ।