चलचित्र ‘पार्वती’ को पहिलो दिनको कमाइ बाढी पीडितका लागि प्रधानमन्त्री कोषमा

चलचित्र ‘पार्वती’ को निर्माण टोलीले देशभरको पहिलो दिनको कमाइ भोटेकोसी नदीको बाढीबाट प्रभावितहरूको सहयोगका लागि दिने घोषणा गरेको छ। निर्मात्री तथा निर्देशक नीता ढुंगानाका अनुसार उक्त रकम प्रधानमन्त्री दैवी प्रकोप उद्धार कोषमा जम्मा गरिनेछ। ढुंगानाले बिहीबार बिहान व्यक्तिगत रूपमा पनि सो कोषमा एक लाख रुपैयाँ सहयोग प्रदान गरेकी थिइन्।

नायिका तथा निर्देशक नीता ढुंगानाले चलचित्र ‘पार्वती’ को पहिलो दिनको कमाइ बापतको ११ लाख ३ हजार २७० रुपैयाँ अर्थमन्त्री स्वर्णिम वाग्लेलाई हस्तान्तरण गरेकी छन्। शुक्रबार देशभर प्रदर्शनमा आएको यस चलचित्रको ओपनिङ कलेक्सनबाट प्राप्त रकम प्रधानमन्त्री दैवीप्रकोप उद्धार कोषमा जम्मा गरिएको हो। भोटेकोशी बाढी पीडितको राहतका लागि यो सहयोग प्रदान गरिएको हो र निर्माण पक्षले फिल्मको लाइफटाइम कमाइको ५ प्रतिशत समेत दिने घोषणा गरेको छ।