एसीसी प्रिमियर कपको अभ्यास खेलमा नेपालद्वारा मलेसिया ९ विकेटले पराजित

नेपाली राष्ट्रिय पुरुष क्रिकेट टोलीले मलेसियाविरुद्धको पहिलो एकदिवसीय अभ्यास खेलमा टस हारेर पहिले फिल्डिङ गरिरहेको छ। मलेसियाले टस जितेर ब्याटिङ गर्ने निर्णय गरेपछि नेपालले बलिङको निम्तो पाएको हो। दुवै टोलीले यस खेललाई आगामी एसिसी प्रिमियर कपको अन्तिम तयारीका रूपमा लिएका छन्। यसअघि नेपालले भारतमा कर्नाटक राज्यस्तरीय टोलीसँग अभ्यास खेल खेल्दै १० दिनको प्रशिक्षण पूरा गरेको थियो।

मलेसियामा जारी एकदिवसीय अभ्यास खेलमा घरेलु टोली मलेसियाले नेपाललाई जितका लागि २३३ रनको लक्ष्य दिएको छ। टस जितेर पहिले ब्याटिङ गरेको मलेसियाले ४८.२ ओभरमा सबै विकेट गुमाउँदै २३२ रन बनाएको हो। मलेसियाका लागि मुहम्मद स्याहादात रामलीले सर्वाधिक ६१ रन बनाए भने सैफुल्लाह मलिकले ४५ र साइद अजिजले ४० रनको योगदान दिए। एसिसी प्रिमियर कपको तयारीका लागि खेलिएको यस खेलमा नेपालले सुरुमा फिल्डिङको निम्तो पाएको थियो।

एसीसी प्रिमियर कपको तयारीका लागि खेलिएको अभ्यास खेलमा नेपालले मलेसियालाई पराजित गरेको छ। मलेसियाले दिएको २३३ रनको लक्ष्यलाई पछ्याउने क्रममा वर्षाले अवरोध गरेपछि नेपालले ४८ ओभरमा २२८ रनको नयाँ लक्ष्य पाएको थियो, जसलाई नेपालले २८ ओभरमै मात्र १ विकेट गुमाएर पूरा गर्‍यो। नेपालको जितमा ओपनर आसिफ शेखले १६१ रनको शतकीय पारी खेले भने अर्जुन कुमालसँग दोहोरो शतकीय साझेदारी गरे।

एसीसी पुरुष प्रिमियर कपको तयारीका लागि भएको अभ्यास खेलमा नेपालले मलेसियालाई ९ विकेटले पराजित गरेको छ। मलेसियाको सेलाङ्गोर टर्फ मैदानमा पहिले ब्याटिङ गरेको घरेलु टोलीले २३२ रन बनाएपछि वर्षाका कारण नेपालले ४८ ओभरमा २२८ रनको संशोधित लक्ष्य पाएको थियो। नेपालका लागि आसिफ शेखले विष्फोटक शतक र अर्जुन कुमालले अर्धशतक प्रहार गर्दै २८ ओभरमै जित दिलाए भने बलिङतर्फ सन्दीप लामिछानेले ४ विकेट लिएका थिए।