नेपाली कांग्रेसका सांसद सन्दीप राना नेतृत्वको टोलीद्वारा महाराष्ट्रका मुख्यमन्त्री फडणवीससँग भेटवार्ता

नेपाली कांग्रेसका नेता एवं प्रतिनिधिसभा सदस्य सन्दीप राना नेतृत्वको एक प्रतिनिधिमण्डलले भारतको महाराष्ट्रका मुख्यमन्त्री देवेन्द्र फडणवीससँग मुम्बईमा भेटवार्ता गरेको छ। मुम्बईस्थित वर्षा बंगलामा भएको उक्त शिष्टाचार भेटमा नेपाल र भारतबीचको ऐतिहासिक तथा सांस्कृतिक सम्बन्धलाई थप सुदृढ बनाउने विषयमा छलफल भएको थियो। भेटका क्रममा दुई देशबीचको आपसी हित, साझा प्रगति र समृद्धिका लागि सहकार्य विस्तार गर्नेबारे विचार आदानप्रदान गरिएको छ। उक्त टोलीमा लुम्बिनी प्रदेशसभाका सदस्यहरूको पनि सहभागिता रहेको थियो।