वामपन्थी दलहरू राजनीतिक विकृतिबाट अछुतो छैनन्: माधवकुमार नेपाल

पूर्वप्रधानमन्त्री एवं नेपाल कम्युनिस्ट पार्टीका सहसंयोजक माधवकुमार नेपालले मुलुकको राजनीतिमा देखिएका विकृति र विसंगतिबाट वामपन्थी दलहरू पनि अछुतो नरहेको बताएका छन्। पुष्पलाल स्मृति दिवसको अवसरमा काठमाडौंमा आयोजित एक विचार गोष्ठीमा बोल्दै उनले वामपन्थी शक्तिहरूलाई विगतका नीति र भूमिकाबारे आत्मसमीक्षा गर्न आग्रह गरे। उनले विदेशी शक्तिलाई खुसी पार्न गलत कुराहरू स्वीकार गर्ने प्रवृत्तिलाई रोक्नुपर्नेमा समेत जोड दिए।