इन्स्पेक्टर विशाल मल्ल मधेश प्रदेशको सर्वोत्कृष्ट प्रहरी घोषित

सिरहाको इलाका प्रहरी कार्यालय महेशपुर पतारका प्रमुख प्रहरी निरीक्षक विशाल मल्ल मधेश प्रदेशको असार महिनाको सर्वोत्कृष्ट प्रहरी घोषित भएका छन्। मधेश प्रदेश प्रहरी कार्यालय, जनकपुरधामले मल्ललाई शान्ति सुरक्षा कायम गर्न र अपराध अनुसन्धानमा उत्कृष्ट कार्य गरेको भन्दै 'बेस्ट प्रोभिन्स पुलिस अफ द मन्थ' बाट सम्मानित गरेको हो। प्रहरी नायब महानिरीक्षक ओमप्रसाद अधिकारीले मल्ललाई प्रशंसापत्र र पुरस्कार प्रदान गर्नुभयो। मल्लले कुख्यात लागूऔषध कारोबारीहरूलाई नियन्त्रणमा लिन सफल भूमिका खेल्नुभएको थियो।