धनगढीमा २८ लाख मूल्य बराबरको प्रतिबन्धित प्लास्टिकजन्य सामग्री बरामद

धनगढी उपमहानगरपालिका-४ मा प्रहरीले करिब २८ लाख रुपैयाँ बराबरको प्रतिबन्धित प्लास्टिकजन्य सामग्री बरामद गरेको छ। गणेश ओझाले सञ्चालन गरेको कौशल ट्रेडर्स एण्ड सप्लायर्सको गोदाममा छापा मारी उक्त सामग्रीहरू नियन्त्रणमा लिइएको हो। उपमहानगरपालिकाले वातावरण संरक्षणका लागि लगाएको प्रतिबन्ध कार्यान्वयन गर्ने क्रममा जिल्ला प्रहरी कार्यालयका प्रहरी निरीक्षक कैलाश बिष्टको नेतृत्वमा यो कारबाही गरिएको हो।