ठगी आरोपमा कलाकार नारद खतिवडासहित तीन जना काठमाडौंबाट पक्राउ

अध्यागमन विभागको हिरासतमा रहेका एक चिनियाँ नागरिकलाई छुटाइदिने बहानामा ७२ लाख रुपैयाँ ठगी गर्न खोजेको आरोपमा प्रहरीले कलाकार नारद खतिवडासहित तीन जनालाई पक्राउ गरेको छ। काठमाडौं उपत्यका अपराध अनुसन्धान कार्यालयको टोलीले मंगलबार खतिवडा, उदयपुरका बिक्रमबहादुर थापा र सशस्त्र प्रहरी बलका पूर्व एसएसपी गोपालबहादुर गुरुङलाई नियन्त्रणमा लिएको हो। उनीहरूले हिरासतमा रहेका व्यक्तिलाई बाहिर निकाल्न मद्दत गर्ने भन्दै रकमको बार्गेनिङ गरेको प्रहरीको दाबी छ।