काभा पुरुष भलिबल च्याम्पियनसिपमा नेपाल जितविहीन

पाकिस्तानको इस्लामाबादमा आयोजना हुने काभा पुरुष भलिबल च्याम्पियनसिपमा सहभागी हुन जाने नेपाली टोलीलाई आइतबार बिदाइ गरिएको छ। नेपाल भलिबल सङ्घद्वारा आयोजित कार्यक्रममा राष्ट्रिय खेलकुद परिषद्का उपाध्यक्ष विशाल श्रेष्ठले खेलाडीहरूलाई सफलताको शुभकामना दिँदै बिदाइ गर्नुभयो। जुलाई २२ देखि २९ सम्म सञ्चालन हुने उक्त प्रतियोगिताका लागि नेपाली टोली सोमबार पाकिस्तान प्रस्थान गर्ने तालिका रहेको छ।

पाकिस्तानको इस्लामावादमा जारी सेन्ट्रल एसियन भलिबल एसोसिएसन (काभा) पुरुष भलिबल च्याम्पियनसिपमा नेपालले आज बंगलादेशसँग प्रतिस्पर्धा गर्दैछ। प्रतियोगितामा लगातार तीन खेल हारिसकेको नेपाल आज पहिलो जितको खोजीमा मैदान उत्रनेछ। यसअघि नेपाल कजाखस्तान, श्रीलंका र आयोजक पाकिस्तानसँग पराजित भएको थियो। ६ टोली सहभागी यो प्रतियोगिता जुलाई २२ देखि २९ सम्म सञ्चालन हुनेछ र नेपाली टोलीलाई नेपाल भलिबल संघले आइतबार बिदाइ गरेको थियो।

पाकिस्तानको इस्लामावादमा सम्पन्न सेन्ट्रल एसियन भलिबल एसोसिएसन (काभा) पुरुष भलिबल च्याम्पियनसिपमा नेपाल जितविहीन बनेको छ। प्रतियोगिताभर खेलिएका पाँचवटै खेलमा पराजित हुँदै नेपाल लिग चरणबाटै बाहिरिएको हो। नेपालले कजाखस्तान, श्रीलंका, आयोजक पाकिस्तान, बंगलादेश र अन्तिम खेलमा उज्वेकिस्तानसँग हार बेहोरेको थियो। लियाकत जिम्न्यासियममा भएको यस प्रतियोगितामा सहभागी ६ टोलीमध्ये नेपाल अंक तालिकाको पुछारमा रह्यो।