सेयर बजारमा फैलाइएका भ्रामक हल्लाको पछि नलाग्न अर्थमन्त्रीको आग्रह

अर्थमन्त्री डा. स्वर्णिम वाग्लेको सचिवालयले सेयर बजारका बारेमा फैलाइएका भ्रामक र प्रायोजित हल्लाको पछि नलाग्न लगानीकर्ताहरूलाई आग्रह गरेको छ। नयाँ आर्थिक वर्ष २०८३/८४ को पहिलो दिन एक अपिल जारी गर्दै सचिवालयले नियामक निकायको दुरुपयोग गरी बजारमा वितण्डा मच्चाउनेहरूमाथि अनुसन्धान भइरहेको जनाएको छ। मन्त्रालयले लगानीकर्तालाई आधिकारिक सूचनामा मात्र विश्वास गर्न र बजारलाई अस्थिर बनाउने तत्वहरूबाट सचेत रहन समेत सूचित गरेको छ।