बदलिँदो आवश्यकताअनुसार युएनडीपीसँग विकास सहकार्य सुदृढ बनाउन चाहन्छ सरकार: अर्थमन्त्री वाग्ले

अर्थमन्त्री डा. स्वर्णिम वाग्लेले बदलिँदो राष्ट्रिय प्राथमिकता र आवश्यकताअनुसार सरकारले संयुक्त राष्ट्रसङ्घीय विकास कार्यक्रम (युएनडीपी) सँगको सहकार्यलाई थप सुदृढ र प्रभावकारी बनाउन चाहेको बताउनुभएको छ। नेपाल र युएनडीपीबीच विकास सहकार्य सुरु भएको ६०औँ वर्षगाँठका अवसरमा काठमाडौँमा आयोजित कार्यक्रमलाई सम्बोधन गर्दै उहाँले यस्तो धारणा राख्नुभएको हो। विगत ६ दशकदेखि युएनडीपीले नेपालको गरिबी निवारण, दिगो विकास र वातावरण संरक्षण जस्ता क्षेत्रमा पुर्‍याएको योगदानको समेत उहाँले चर्चा गर्नुभयो।