ह्यारी केनको दुई गोलको मद्दतले कंगोलाई हराउँदै इंग्ल्याण्ड विश्वकपको अन्तिम १६ मा

फिफा विश्वकप २०२६ अन्तर्गत अन्तिम ३२ को खेलमा आज बुधबार इङ्गल्याण्डले प्रजातान्त्रिक गणतन्त्र कङ्गो (डीआर कङ्गो) को सामना गर्दैछ। अमेरिकाको एटलान्टास्थित एटलान्टा स्टेडियममा हुने यो खेल नेपाली समय अनुसार राति ९:४५ बजे सुरु हुनेछ। समूह चरणमा अपराजित रहँदै अघिल्लो चरण प्रवेश गरेको इङ्गल्याण्डका लागि पहिलोपटक नकआउट चरण पुगेको कङ्गो चुनौतीपूर्ण प्रतिद्वन्द्वी बन्न सक्छ।

फिफा विश्वकप २०२६ को अन्तिम ३२ को नकआउट चरणमा प्रजातान्त्रिक गणतन्त्र कङ्गोले बलियो दाबेदार इङ्ग्ल्यान्डविरुद्ध सुरुवाती अग्रता लिएको छ। अमेरिकाको एटलान्टा स्टेडियममा जारी खेलको सातौँ मिनेटमा ब्रायन सिपेन्गाले गोल गर्दै कङ्गोलाई अग्रता दिलाएका हुन्। विश्वकपको नकआउट चरणमा यी दुई टोली पहिलो पटक एकअर्कासँग प्रतिस्पर्धा गरिरहेका छन्।

फिफा विश्वकप २०२६ अन्तर्गत अन्तिम ३२ को नकआउट चरणमा प्रजातान्त्रिक गणतन्त्र कंगोले इंग्ल्याण्डविरुद्ध पहिलो हाफमा १–० को अग्रता बनाएको छ। अमेरिकाको एटलान्टा स्टेडियममा जारी खेलको सातौँ मिनेटमा ब्रायन सिपेन्गाले गोल गर्दै कंगोलाई सुरुवाती अग्रता दिलाएका हुन्। गोल खाएपछि इंग्ल्याण्डले बराबरीका लागि प्रयास गरे पनि कंगोका गोलकिपर लियोनल म्पासी र रक्षापङ्क्तिले उत्कृष्ट प्रदर्शन गरे। ५२ वर्षपछि विश्वकपमा फर्किएको कंगो र इंग्ल्याण्डबीच यो पहिलो भेट हो।

फिफा विश्वकप २०२६ अन्तर्गत एटलान्टा स्टेडियममा भएको अन्तिम ३२ को खेलमा इंग्ल्याण्डले प्रजातान्त्रिक गणतन्त्र कंगोलाई २–१ ले पराजित गरेको छ। खेलको सातौँ मिनेटमा ब्रायन सिपेन्गाले गोल गर्दै कंगोलाई सुरुवाती अग्रता दिलाए पनि कप्तान ह्यारी केनले अन्तिम समयमा दुई गोल गर्दै इंग्ल्याण्डको जित सुनिश्चित गरे। यो जितसँगै इंग्ल्याण्ड अन्तिम १६ मा प्रवेश गरेको छ भने कंगो प्रतियोगिताबाट बाहिरिएको छ। अब इंग्ल्याण्डले अर्को चरणमा मेक्सिकोको सामना गर्नेछ।