‘कर्णाली क्रिकेट कप–२०८३’ आजदेखि सुर्खेतको वीरेन्द्रनगरमा सुरु हुँदै

कर्णाली प्रदेश क्रिकेट सङ्घको आयोजना र कर्णाली खेलकुद परिषद्को सहयोगमा ‘कर्णाली क्रिकेट कप २०८३’ आजदेखि सुर्खेतको वीरेन्द्रनगरस्थित कालुञ्चोक मैदानमा सुरु हुँदैछ। सङ्घका प्रदेश सचिव श्रीधर केसीका अनुसार असार १८ गतेसम्म चल्ने यस टी-२० प्रतियोगितामा प्रदेशका आठ जिल्लाका टोलीहरूले सहभागिता जनाउँदै छन्। कर्णालीमा क्रिकेटको पहुँच विस्तार र नयाँ प्रतिभा पहिचान गर्ने उद्देश्यले यो प्रतियोगिता आयोजना गरिएको हो।