कांग्रेस तरुण बन्दै गएको अनुभूति छ : विश्वप्रकाश शर्मा

नेपाली कांग्रेसका वरिष्ठ उपसभापति विश्वप्रकाश शर्माले पार्टीको नयाँ केन्द्रीय कार्यसमितिमा युवा, द्वन्द्वपीडित तथा सहिद परिवारसहित विभिन्न क्षेत्रका व्यक्तित्वको प्रतिनिधित्व बढेको बताएका छन् । बिहीबार काठमाडौंमा केन्द्रीय कार्यसमितिका नवनिर्वाचित पदाधिकारी तथा सदस्यहरूको शपथ ग्रहण समारोहमा बोल्दै उनले यस्तो बताएका हुन् । उनले नवनिर्वाचित केन्द्रीय सदस्य तथा पदाधिकारीलाई कामको परिणाम देखिने गरी जिम्मेवारी पूरा गर्न आग्रह गर्दै जिम्मेवारी सम्हाल्नु भनेको प्रमाणपत्र र माला लगाएर सामाजिक सञ्जालमा तस्बिर राख्नु मात्र नभएको बताए ।