कोप–३१ मा नेपालको सहभागिता परिणाममुखी बनाउन संसदीय समितिको जोड

हिमालमा जलवायु परिवर्तनको प्रभाव, जलवायु न्याय तथा भोटेकोशी–त्रिशूली विपद्सम्बन्धी संसदीय विशेष समितिको बैठक बुधबार काठमाडौंमा बसेको छ । बैठकमा आगामी कोप–३१ सम्मेलनमा नेपालको सहभागिता, जलवायु कूटनीति तथा राष्ट्रिय हितका विषयमा छलफल भएको छ । समितिले कोप–३१ मा नेपालको सहभागितालाई ठोस उपलब्धिमुखी र परिणाममुखी बनाउनुपर्नेमा जोड दिएको छ । बैठकमा समितिका सभापति गणेशले छलफलको नेतृत्व गरेका थिए ।