मुख्य पर्यटन सिजन सुरु हुँदै गर्दा बन्दीपुरमा विदेशी पर्यटकको आगमन बढ्यो

मुख्य पर्यटन सिजन सुरु भएसँगै तनहुँको पर्यटकीय नगरी बन्दीपुरमा विदेशी पर्यटकको आगमन बढ्न थालेको छ। बन्दीपुरका पर्यटकीयस्थल, होटल तथा ग्रामीण बस्तीमा विदेशी पर्यटकको चहलपहल बढेको छ। प्राकृतिक सुन्दरता, हिमशृङ्खलाको मनोरम दृश्य, परम्परागत नेवारी बस्ती, मौलिक संस्कृति र शान्त वातावरणका कारण बन्दीपुर स्वदेशी तथा विदेशी पर्यटकको रोजाइमा पर्दै आएको छ। पर्यटकहरू जीप सफारीमार्फत रामकोट गाउँ पनि घुमिरहेका छन्।