सिद्धार्थ बैंकले मोबाइल बैंकिङ एपमा एनपीएल क्रिकेट च्यालेन्ज सुरु गर्यो

सिद्धार्थ बैंक लिमिटेडले नेपाल प्रिमियर लिग (एनपीएल) को तेस्रो सिजनलाई लक्षित गर्दै आफ्नो मोबाइल बैंकिङ एपमा ‘सिद्धार्थ एनपीएल क्रिकेट च्यालेन्ज’ सञ्चालनमा ल्याएको छ। यस खेलमार्फत प्रयोगकर्ताले रन र विकेटबाट सिद्धार्थ लोयल्टी पोइन्ट आर्जन गर्न सक्नेछन्। बैंकका अनुसार खेल खेल्न मोबाइल बैंकिङ एपको लगइन स्क्रिनमा उपलब्ध गेम प्रयोग गर्न बैंकिङ सेवामा लगइन गर्नुपर्ने छैन। बैंकले एनपीएलसँगको सहकार्यलाई डिजिटल माध्यमसँग जोड्दै ग्राहक तथा क्रिकेटप्रेमीलाई मनोरञ्जनसँगै लोयल्टी सुविधा दिने जनाएको छ।