कालीगण्डकी बाढीले म्याग्दीको रातोपानी तातोपानी कुण्ड बगरमा परिणत

असोज दोस्रो साता आएको कालीगण्डकी बाढीले म्याग्दीको अन्नपूर्ण गाउँपालिका–६ रातोपानीस्थित प्राकृतिक तातोपानी कुण्डको अस्तित्व मेटाएको छ । बाढी र कटानले कुण्डका संरचना बगाएपछि उक्त स्थल बगरमा परिणत भएको छ । प्राकृतिक उपचार तथा पर्यटकीय स्थलका रूपमा विकास हुँदै गएको तातोपानी कुण्ड पर्यटक र बिरामीको आकर्षणको केन्द्र थियो, जहाँ संरक्षण र पूर्वाधार निर्माणमा लगानी गरिएको थियो ।

कालीगण्डकी नदीमा आएको बाढी र कटानले म्याग्दीको अन्नपूर्ण गाउँपालिका–६ रातोपानीस्थित प्राकृतिक तातोपानी कुण्ड बगरमा परिणत भएको छ। असोज ८ देखि ११ गतेसम्मको झरिपछि आएको बाढीले कुण्डका संरचना बगाएको हो। वडाध्यक्ष रामबहादुर खड्काका अनुसार कुण्ड संरक्षण र पर्यटकीय पूर्वाधारमा गरिएको करिब रु एक करोडको लगानी बाढीले बगाएर क्षति पुर्‍याएको छ। प्राकृतिक उपचार र पर्यटकीय स्थलका रूपमा विकास हुँदै गएको कुण्डको पुनर्निर्माण अनिश्चित बनेको छ।