भोजपुरमा दसैँमा रातो माटो र कमेरोले घर पोत्ने परम्परा हराउँदै

भोजपुरका गाउँघरमा परम्परागत रूपमा माटो तथा कमेरोले घर पोत्ने चलन हराउँदै गएको छ। दसैँ नजिकिएसँगै विगतमा घरका भित्तामा सेतो, पहेँलो, रातो तथा कालो माटो लगाएर घर सजाउने गरिन्थ्यो। तर पछिल्लो समय बजारमा पाइने चुन तथा आधुनिक रङको प्रयोग बढेपछि दसैँसँग जोडिएको यो परम्परा ओझेलमा पर्दै गएको छ। घर पोत्नका लागि खोला तथा स्थानीय स्रोतबाट माटो र कमेरो संकलन गर्ने गरिन्थ्यो।

भोजपुरका गाउँघरमा दसैँ नजिकिएसँगै परम्परागत रूपमा रातो माटो तथा कमेरोले घर पोत्ने चलन हराउँदै गएको छ। पहिले घरका भित्तामा सेतो, पहेँलो, रातो तथा कालो माटो लगाएर घर सजाउने गरिन्थ्यो, तर पछिल्लो समय बजारमा पाइने चुन र आधुनिक रङको प्रयोग बढेपछि यो परम्परा ओझेलमा पर्दै गएको हो। टेम्केमैयुङ गाउँपालिका–५ मझौलेकी स्थानीयवासी मनमाया विष्टका अनुसार कमेरो लगाउने चलन केवल घर सजाउने माध्यममात्र नभई गाउँघरको संस्कृति, श्रम र पारिवारिक सहकार्यसँग पनि जोडिएको थियो।