सरकारी सवारीसाधन दुरुपयोग गरेको आरोपमा काभ्रेमा एक जना पक्राउ

काभ्रेपलाञ्चोकको पनौती नगरपालिका–३ कुशादेवीका ४० वर्षीय गणेश सापकोटा सरकारी सवारीसाधन दुरुपयोग गरेको आरोपमा पक्राउ परेका छन्। सार्वजनिक बिदाको दिन असोज २४ गते शनिबार उनले सरकारी सवारीसाधन दुरुपयोग गरेको बताइएको छ। उनलाई बनेपामा पक्राउ गरिएको हो।

काभ्रेपलाञ्चोकको पनौती नगरपालिका–३ कुशादेवीका ४० वर्षीय गणेश सापकोटा पक्राउ परेका छन्। सार्वजनिक बिदाको दिन (शनिबार) असोज २४ गते सरकारी सवारीसाधन दुरुपयोग गरी सार्वजनिक स्थानमा सर्वसाधारणसँग अभद्र व्यवहार गरेको आरोपमा उनलाई असोज २५ गते पक्राउ गरिएको हो। जिल्ला प्रहरी कार्यालय काभ्रेपलाञ्चोकका सूचना अधिकारी रबिन विष्टका अनुसार सामाजिक सञ्जालमा सार्वजनिक भएको भिडियोका आधारमा सापकोटालाई पक्राउ गरी जिल्ला कार्यालयमा ल्याइएको छ।