नेपाली कांग्रेसको सहमहामन्त्रीमा जीवनबहादुर शाही निर्वाचित

नेपाली कांग्रेसको सहमहामन्त्री (पिछडिएको क्षेत्रतर्फ) मा जीवनबहादुर शाही निर्वाचित भएका छन्। उनले ३ हजार ९ सय ६ मत प्राप्त गर्दा निकटतम प्रतिस्पर्धी जनकराज गिरीले १ हजार ३ सय ७६ मत पाए। चार प्रतिस्पर्धीलाई पछि पार्दै शाही विजयी भएका हुन्। कर्णाली प्रदेश संसदीय दलका नेतासमेत रहेका शाहीको निर्वाचन काठमाडौँमा भएको हो।

नेपाली कांग्रेसको १५औँ महाधिवेशनअन्तर्गत पिछडिएको क्षेत्रतर्फको सहमहामन्त्री पदमा जीवनबहादुर शाही निर्वाचित भएका छन्। उनले ३ हजार ९ सय ६ मत प्राप्त गर्दै निकटतम प्रतिस्पर्धी जनकराज गिरी (१ हजार ३७६ मत), राजन कुँवर (३२४ मत) र रामबहादुर विष्ट (२६० मत) लाई पछि पारे। कर्णाली प्रदेशका पूर्वमुख्यमन्त्री तथा कर्णाली प्रदेश संसदीय दलका नेता समेत रहेका शाहीसहित कर्णालीबाट भूगोल, जनजाति, पिछडिएको क्षेत्र, युवा तथा दलित क्लस्टरअन्तर्गतका १० जना निर्वाचित भएका छन्। निर्वाचन समितिले मतगणना सकिएको जानकारी दिएपनि औपचारिक घोषणा बाँकी रहेको जनाइएको छ।