मुख्यमन्त्री किरण थापा मगरद्वारा हेटौँडा अस्पतालको सेवा विस्तारको घोषणा

बागमती प्रदेशका मुख्यमन्त्री किरण थापा मगरले बढ्दो बिरामीको चापलाई ध्यानमा राख्दै हेटौँडा अस्पतालको सेवा र उपचार क्षमता विस्तार गरिने बताएका छन्। मदन भण्डारी स्वास्थ्य विज्ञान प्रतिष्ठानद्वारा आयोजित कार्यक्रममा उनले अस्पतालमा क्याथल्याब, एमआरआई सेवा तथा शय्या विस्तारलाई प्राथमिकतामा राखिएको जानकारी दिए। मुख्यमन्त्री थापा मगरले अस्पतालमा दैनिक बिरामीको चाप बढ्दै गएको उल्लेख गर्दै सरकारी अस्पतालमा विशेषज्ञ सेवा, जनशक्ति र आवश्यक उपकरणको व्यवस्थापन हुँदै गएको बताए।